Fransiyalik mashhur sobiq futbolchi Patris Evra Joze Mourinyoning Madridning «Real» klubiga bo‘lgan munosabati haqida o‘z fikrlari bilan o‘rtoqlashdi.
Iyun oyida portugaliyalik mutaxassis oradan 13 yil o‘tib yana «qirollik klubi» bosh murabbiyligiga qaytgan edi.
«Mourinyo «Real»ni haqiqatan ham yaxshi ko‘radi. Ha, u «Chelsi» va «Portu»ni ham yaxshi ko‘radi, lekin «Real»ga bo‘lgan tuyg‘ulari bo‘lakcha. Madridda Joze o‘zini o‘z uyidagidek his qiladi. Bu klub — uning uyi», — deydi «Manchester Yunayted»dagi chiqishlari orqali tanilgan Evra Madrid Xtra nashriga bergan intervyusida.
Joze Mourinyo «qaymoqranglilar» bilan 2029 yilgacha mo‘ljallangan shartnoma imzolagan. Shanba kuni (22 avgust) madridliklar La Liganing 1-turi doirasida «Espanyol»ga qarshi maydonga tushishadi.
