«Santos» Janubiy Amerika kubogining chorak finaliga yo‘l oldi.
Musobaqa 1/8 finalining javob uchrashuvida Braziliya klubi Ekvadorning «Makara» jamoasi mehmoni bo‘ldi. «Bellavista» stadionida o‘tkazilgan bahsda hisob ochilmadi — 0:0.
«Santos»ning 34 yoshli hujumchisi Neymar ushbu uchrashuvda ishtirok etmadi. Braziliyalik yulduz murabbiylar shtabi qaroriga ko‘ra maydonga tushirilmadi.
Jamoalar o‘rtasidagi dastlabki uchrashuvda «Santos» 2:1 hisobida g‘alaba qozongan edi. Shu tariqa, Braziliya klubi ikki o‘yin natijasiga ko‘ra 2:1 hisobida ustun kelib, chorak final yo‘llanmasini qo‘lga kiritdi.
«Santos» chorak finalda «Atletiko Mineyro»ga qarshi bahs olib boradi.
Janubiy Amerika kubogi. 1/8 final, javob uchrashuvi
«Makara» (Ekvador) — «Santos» (Braziliya) — 0:0
Birinchi uchrashuv — 1:2.
