«Real» hujumchisi Endrikka «Liverpul» qiziqish bildirmoqda. 20 yoshli braziliyalik futbolchi «Lion»dagi ijaradan so‘ng Madrid klubiga qaytgan.

Bu haqda dastlab Mundo Deportivo xabar bergan, keyinchalik ma’lumot ESPN tomonidan ham tasdiqlangan. Manbaga ko‘ra, mersisaydliklar Endrikni o‘z safiga qo‘shib olish imkoniyatini o‘rganmoqda, ammo hozircha rasmiy taklif yuborilmagan.

Shu bilan birga, Endrikning o‘zi «Real»ni tark etish variantini ko‘rib chiqmayapti. U jamoa bosh murabbiyi Joze Mourinyu bilan birgalikda avvalroq «Aston Villa» va «Roma»dan tushgan ijara takliflarini rad etgan.

Qayd etilishicha, braziliyalik futbolchi mashg‘ulotlardagi harakatlari va Madridda qolish istagi bilan murabbiylar shtabida yaxshi taassurot qoldirgan.

Mourinyu Endrikning hujum chizig‘ida bir nechta pozisiyada o‘ynay olishini muhim ustunlik deb hisoblamoqda. Jamoadagi kuchli raqobatni inobatga olganda, futbolchining universalligi «Real» uchun qo‘l kelishi mumkin.