«Реал» ҳужумчиси Эндрикка «Ливерпуль» қизиқиш билдирмоқда. 20 ёшли бразилиялик футболчи «Лион»даги ижарадан сўнг Мадрид клубига қайтган.

Бу ҳақда дастлаб Mundo Deportivo хабар берган, кейинчалик маълумот ESPN томонидан ҳам тасдиқланган. Манбага кўра, мерсисайдликлар Эндрикни ўз сафига қўшиб олиш имкониятини ўрганмоқда, аммо ҳозирча расмий таклиф юборилмаган.

Шу билан бирга, Эндрикнинг ўзи «Реал»ни тарк этиш вариантини кўриб чиқмаяпти. У жамоа бош мураббийи Жозе Моуринью билан биргаликда аввалроқ «Астон Вилла» ва «Рома»дан тушган ижара таклифларини рад этган.

Қайд этилишича, бразилиялик футболчи машғулотлардаги ҳаракатлари ва Мадридда қолиш истаги билан мураббийлар штабида яхши таассурот қолдирган.

Моуринью Эндрикнинг ҳужум чизиғида бир нечта позицияда ўйнай олишини муҳим устунлик деб ҳисобламоқда. Жамоадаги кучли рақобатни инобатга олганда, футболчининг универсаллиги «Реал» учун қўл келиши мумкин.