Turkiyaning «Galatasaroy» klubi X ijtimoiy tarmog‘idagi rasmiy sahifasida Moskvaning «Lokomotiv» klubi yarim himoyachisi Aleksey Batrakovning transferi bo‘yicha barcha moliyaviy tafsilotlarni ochiqladi.
Klublar o‘rtasidagi kelishuvga ko‘ra, «Lokomotiv»ga umumiy hisobda 25 million yevro to‘lanadi. Bundan tashqari, Moskva klubi futbolchining keyingi sotuvidan olinadigan foydaning 15 foiziga egalik qiladi.
21 yoshli futbolchi bilan 2026/2027 yilgi mavsumdan boshlab kuchga kiradigan 5 yillik shartnoma imzolandi. Kelishuvga binoan, Batrakovga har bir mavsum uchun 3,25 million yevro kafolatlangan ish haqi to‘lanadi.
