Туркиянинг «Галатасарой» клуби X ижтимоий тармоғидаги расмий саҳифасида Москванинг «Локомотив» клуби ярим ҳимоячиси Алексей Батраковнинг трансфери бўйича барча молиявий тафсилотларни очиқлади.
Клублар ўртасидаги келишувга кўра, «Локомотив»га умумий ҳисобда 25 миллион евро тўланади. Бундан ташқари, Москва клуби футболчининг кейинги сотувидан олинадиган фойданинг 15 фоизига эгалик қилади.
21 ёшли футболчи билан 2026/2027 йилги мавсумдан бошлаб кучга кирадиган 5 йиллик шартнома имзоланди. Келишувга биноан, Батраковга ҳар бир мавсум учун 3,25 миллион евро кафолатланган иш ҳақи тўланади.
