Madridning «Real» klubining yangi a’zosi Yan Diomande jamoa bosh murabbiyi Joze Mourinyo bilan ishlashdan olayotgan taassurotlari haqida gapirib berdi.

Marca nashrining xabar berishicha, ivuarlik vinger portugaliyalik mutaxassis qo‘l ostida to‘p surish u uchun katta sharaf ekanini ta’kidlagan.

«Men u bilan ishlashdan juda xursandman, chunki u eng yaxshisi. Undan o‘rganishim mumkin bo‘lgan narsalar juda ko‘p va u mening rivojlanishimni davom ettirishim uchun eng mos murabbiy. Men uning uchun o‘lishga ham tayyorman», — deydi Diomande.

Eslatib o‘tamiz, Yan Diomande Germaniyaning «RB Leypsig» klubidan «Real»ga 140 million yevro evaziga ko‘chib o‘tdi. Ushbu summaning 15 million yevrosi turli bonuslar ko‘rinishida to‘lab beriladi.