Мадриднинг «Реал» клубининг янги аъзоси Ян Диоманде жамоа бош мураббийи Жозе Моуриньо билан ишлашдан олаётган таассуротлари ҳақида гапириб берди.

Marca нашрининг хабар беришича, ивуарлик вингер португалиялик мутахассис қўл остида тўп суриш у учун катта шараф эканини таъкидлаган.

«Мен у билан ишлашдан жуда хурсандман, чунки у энг яхшиси. Ундан ўрганишим мумкин бўлган нарсалар жуда кўп ва у менинг ривожланишимни давом эттиришим учун энг мос мураббий. Мен унинг учун ўлишга ҳам тайёрман», — дейди Диоманде.

Эслатиб ўтамиз, Ян Диоманде Германиянинг «РБ Лейпциг» клубидан «Реал»га 140 миллион евро эвазига кўчиб ўтди. Ушбу сумманинг 15 миллион евроси турли бонуслар кўринишида тўлаб берилади.