«Liverpul» hujumkor qanotni kuchaytirish maqsadida «Brayton» futbolchisi Yankuba Minteni o‘z safiga qo‘shib olishga harakat qildi.

Ben Jeykobs ma’lumotiga ko‘ra, mersisaydliklar 22 yoshli gambiyalik uchun 50 million funt — taxminan 58 million yevro taklif qilgan. Biroq «Brayton» bu taklifni rad etdi. Bu ma’lumotni boshqa ingliz manbalari ham tasdiqlamoqda.

Minte 2024 yil yozida «Brayton» safiga qo‘shilgan. U asosan o‘ng qanotda harakat qiladi.

O‘tgan mavsumda gambiyalik futbolchi Premyer-ligada 32 ta uchrashuv o‘tkazib, 3 ta gol urgan.

«Liverpul» esa transfer oynasi yopilguniga qadar qanotda o‘ynay oladigan yana bir hujumkor futbolchini tarkibga qo‘shib olish ustida ish olib bormoqda.