«Galatasaroy»ning yangi a’zosi Aleksey Batrakov Moskvaning «Lokomotiv» klubidan Turkiya jamoasiga ko‘chib o‘tganiga izoh berdi.

«Aytib o‘tganimdek, Yevropada va Chempionlar Ligasida o‘ynash men uchun orzu edi. Jamoa men bilan birga ko‘plab trofeylarni qo‘lga kiritishi uchun bor kuchim bilan harakat qilaman. Maqsadim — jamoaga sovrinlar yutishda va Chempionlar Ligasida imkon qadar uzoqroqqa borishda yordam berishdir», — deydi Batrakov «Galatasaroy» matbuot xizmatiga bergan intervyusida.

21 yoshli rossiyalik futbolchining transferi 20 avgust kuni rasman e’lon qilingan edi. Batrakov Turkiya klubi bilan 5 yillik shartnoma imzoladi. «Galatasaroy» ushbu transfer uchun «Lokomotiv»ga 25 million yevro to‘ladi.

Batrakov «Lokomotiv» akademiyasi tarbiyalanuvchisi hisoblanadi. U asosiy jamoada 2024 yilning martida debyut qilgan va shu vaqtgacha 84 ta o‘yinda maydonga tushib, 34 ta gol urgan hamda 23 ta golli uzatmaga mualliflik qilgan.