"Arsenal"ning sobiq futbolchisi va hozirda futbol eksperti sifatida faoliyat yuritayotgan Pol Merson "Manchester Yunayted"ning Angliya Premyer-ligasidagi yangi mavsum imkoniyatlariga baho berdi.

Mersonning fikricha, "qizil iblislar" hozircha chempionlik uchun jiddiy kurash olib borishga tayyor emas. Ekspert yangi mavsumda jamoa natijalari bir maromda bo‘lmasligini taxmin qilmoqda.

"Manchester Yunayted"da ko‘tarilishlar ham, pasayishlar ham bo‘ladi va men ularni chempionlik uchun da’vogar sifatida ko‘rmayapman. Buning uchun hali juda erta. "Yunayted"da hamon ba’zida ishonchsiz harakat qiladigan o‘sha himoya chizig‘i bor. Hujumda esa jamoa goh yaxshi, goh yomon o‘ynaydi", — dedi Merson.

"Manchester Yunayted" o‘tgan mavsumda Angliya chempionatini uchinchi o‘rinda yakunlagan edi. Yangi mavsumning birinchi turida jamoa APLga yangi chiqqan "Hall Siti"ga qarshi safarda maydonga tushadi. Uchrashuv 22 avgust kuni bo‘lib o‘tadi.