O‘zbekiston Superligasining 18-turidan o‘rin olgan "Navbahor" — "Nasaf" uchrashuvi arafasida "lochinlar"ning 24 yoshli yarim himoyachisi Diyor Xolmatov bo‘lajak bahs haqidagi fikrlari bilan o‘rtoqlashdi.
"Bo‘lajak uchrashuvda chiroyli o‘yin namoyish etib, g‘alabali seriyamizni davom ettirishni xohlaymiz. Shu orqali muxlislarimizga va biz uchun barcha sharoitlarni yaratib berayotgan Namangan viloyati hokimiga quvonch ulashish niyatidamiz. Buni amalga oshirish uchun qo‘limizdan kelgan barcha ishni qilamiz.
Bu safargi raqibimiz — "Nasaf" kuchli jamoa. Uning tarkibida mahoratli futbolchilar bor. Biz raqibni o‘rganib chiqdik va shunga yarasha tayyorgarlik ko‘rdik. Xudo xohlasa, "Nasaf"ni mag‘lub etib, jamoamiz muxlislarini xursand qilamiz", — dedi Diyor Xolmatov.
