Gana milliy jamoasi yarim himoyachisi Tomas Parti faoliyatini Saudiya Arabistoni chempionatida davom ettiradi. «Ash-SHabab» 21 avgust kuni futbolchi bilan shartnoma imzolanganini rasman e’lon qildi.

33 yoshli futbolchi yangi klubiga erkin agent maqomida qo‘shildi. Manbalarga ko‘ra, tomonlar bir yillik shartnoma imzolagan. Partining yillik maoshi taxminan 4,5 mln dollar bo‘lishi xabar qilinmoqda.

Ganalik futbolchi bir kun avval Ar-Riyodga yetib kelgan va transferni yakunlashdan oldin tibbiy ko‘rikdan o‘tgan. Barcha rasmiy jarayonlar muvaffaqiyatli tugagach, «Al-SHabab» transferni e’lon qildi.

Parti o‘tgan mavsumni Ispaniyaning «Vilyarreal» klubida o‘tkazgan edi. U 2025 yil yozida «Arsenal» bilan shartnomasi yakunlangach, La Liga vakiliga erkin agent sifatida qo‘shilgan. «Vilyarreal» bilan bir yillik kelishuv muddati tugagach, futbolchi yana erkin agentga aylandi.

Tomas Parti faoliyati davomida «Atletiko», «Malyorka», «Almeriya», «Arsenal» va «Vilyarreal» kabi klublarda to‘p surgan. Endilikda tajribali tayanch yarim himoyachisi faoliyatida ilk bor Saudiya Arabistoni chempionatida o‘ynaydi.