O‘zbekiston Superligasi 18-turidan o‘rin olgan "Paxtakor" – "Surxon" uchrashuvida hisob ochilmadi — 0:0.

Statistik ko‘rsatkichlarga ko‘ra, "Paxtakor" xavfli vaziyatlar yaratish borasida raqibidan sezilarli ustunlik qildi. Toshkentliklarning kutilgan gollar (xG) ko‘rsatkichi 1,56 ni tashkil etgan bo‘lsa, "Surxon"da bu raqam 0,59 bo‘ldi.

"Paxtakor" raqib darvozasi tomon 9 marta zarba yo‘lladi, ammo ulardan faqat bittasi aniq chiqdi. "Surxon" esa 4 ta zarba berib, 1 marta darvozani aniq nishonga oldi.

To‘p nazoratida mehmonlar biroz ustunlik qildi — 52 foizga 48 foiz. Paslar aniqligi bo‘yicha esa "Paxtakor"da 76, "Surxon"da 75 foizlik ko‘rsatkich qayd etildi.

Shuningdek, "Paxtakor" kalit paslar (6:3) va burchak zarbalari (4:2) bo‘yicha ham raqibidan ustun bo‘ldi. Toshkentliklar 18 marta, "Surxon" futbolchilari esa 13 marta qoida buzdi.