"Chelsi" "Yuventus" vingeri Fransishku Konseysauni sotib olish imkoniyatini yana ko‘rib chiqmoqda. Bu haqda La Gazzetta dello Sport xabar berdi.

Manbaga ko‘ra, London klubi yozgi transfer oynasida 23 yoshli Portugaliya terma jamoasi futbolchisiga bo‘lgan qiziqishini qayta tiklashi mumkin. Bu, ayniqsa, Pedru Netu Saudiya Arabistonining "Al-Hilol" klubiga o‘tadigan bo‘lsa, dolzarb masalaga aylanadi.

"Yuventus" Konseysauni sotish uchun kamida 40 million yevro talab qilishi aytilmoqda. Futbolchining agenti Jorje Mendesh bo‘lib, u ehtimoliy transfer bo‘yicha muzokaralarda ham ishtirok etmoqda.

"Chelsi" hujum chizig‘idagi ehtimoliy o‘zgarishlarni hisobga olgan holda bir qator variantlarni o‘rganmoqda. Konseysau esa londonliklarning asosiy nomzodlaridan biri sifatida ko‘rilmoqda.