Ekvadorning Guayakil shahrida dzyudo bo‘yicha o‘smirlar o‘rtasidagi jahon chempionati davom etmoqda. Musobaqaning navbatdagi kunida O‘zbekiston terma jamoasi yana bir bronza medaliga ega chiqdi.
-73 kg vazn toifasida tatamiga chiqqan Behruzbek Usmonov bronza medalini qo‘lga kiritib, O‘zbekiston delegasiyasining medallar jamg‘armasini yana bittaga boyitdi.
Musobaqaning ortda qolgan ikki kunidan so‘ng O‘zbekiston terma jamoasi hisobida 1 ta oltin va 4 ta bronza medali mavjud. Vakillarimiz ushbu natija bilan umumjamoa hisobida kuchli uchlikdan joy olgan.
