"Milan" yarim himoyachisi Yussuf Fofana faoliyatini Angliya Premyer-ligasida davom ettirishi mumkin.
La Gazzetta dello Sport ma’lumotiga ko‘ra, 27 yoshli fransuz futbolchisiga APLning uchta klubi — "Nottingem Forest", "Kristal Pelas" va "Aston Villa" qiziqish bildirmoqda. Ayni paytda barcha klublar bilan muzokaralar olib borilmoqda.
"Milan" Fofanani shu yozda 13 million yevro evaziga qo‘yib yuborishga tayyor.
O‘tgan mavsumda yarim himoyachi barcha musobaqalarda 36 ta uchrashuvda maydonga tushib, 2 ta gol urdi va 4 ta golli uzatma berdi.
Fofananing "Milan" bilan amaldagi shartnomasi 2028 yil yozigacha mo‘ljallangan.
