"Милан" ярим ҳимоячиси Юссуф Фофана фаолиятини Англия Премьер-лигасида давом эттириши мумкин.
La Gazzetta dello Sport маълумотига кўра, 27 ёшли француз футболчисига АПЛнинг учта клуби — "Ноттингем Форест", "Кристал Пэлас" ва "Астон Вилла" қизиқиш билдирмоқда. Айни пайтда барча клублар билан музокаралар олиб борилмоқда.
"Милан" Фофанани шу ёзда 13 миллион евро эвазига қўйиб юборишга тайёр.
Ўтган мавсумда ярим ҳимоячи барча мусобақаларда 36 та учрашувда майдонга тушиб, 2 та гол урди ва 4 та голли узатма берди.
Фофананинг "Милан" билан амалдаги шартномаси 2028 йил ёзигача мўлжалланган.
