Kaliforniya universitetining Pensilvaniyadagi jamoasida o‘ynagan 18 yoshli futbolchi Karolina Xayns o‘ldirildi. CBS News ma’lumotiga ko‘ra, qotillikda uning yigiti gumon qilinmoqda.

Polisiya versiyasiga ko‘ra, 19 avgust kuni Xayns va uning yigiti Roys Mozer munosabatlarini muhokama qilish uchun uchrashgan. Tergovchilar Mozer janjal vaqtida pichoq bilan qizga o‘limga olib kelgan jarohat yetkazib, keyin uning jasadini avtomobil yukxonasiga joylashtirganini taxmin qilmoqda.

Tergov ma’lumotlariga ko‘ra, keyinchalik Mozer onasi Reycheldan yordam so‘ragan. Ular avtomobil va kiyimlardagi qon izlarini tozalashga uringanlikda gumon qilinmoqda.

Mozer tergovchilarga janjal paytida go‘yo "ichiga jin kirib", uni qizga hujum qilishga majburlaganini aytgan.

Roys va Reychelga dalillarni yo‘q qilish va jasadni tahqirlash kabi qator ayblovlar qo‘yilgan. Ular hozirda hibsda qolmoqda.