"Galatasaroy" "Shtutgart"ning hujumkor yarim himoyachisi Bilol El-Xannusni sotib olish uchun taklif yubordi.
Foot Mercato ma’lumotiga ko‘ra, Turkiya klubi 22 yoshli marokashlik futbolchi uchun bonuslarsiz 22 million yevro taklif qilgan. Biroq "Shtutgart" bu mablag‘ni yetarli emas deb hisoblab, taklifni rad etgan. Nemis klubi El-Xannusni taxminan 60 million yevroga baholamoqda.
Futbolchining o‘zi esa "Shtutgart"da qolishni xohlamoqda. U yangi mavsumda jamoada muhim rol o‘ynash va Chempionlar ligasida ishtirok etishni rejalashtirgan.
O‘tgan mavsumda El-Xannus Bundesligada 25 ta uchrashuv o‘tkazib, 4 ta gol urdi va 5 ta golli uzatma berdi.
