"Fiorentina" "Bayer" vingeri Ernest Pokuni qo‘lga kiritish uchun muzokaralarni davom ettirmoqda.

Insayder Nikolo Skira ma’lumotiga ko‘ra, florensiyaliklar 22 yoshli niderlandiyalik futbolchi bilan 2031 yilgacha mo‘ljallangan shartnoma shartlarini kelishib olgan. Endi klublar transfer formulasi va so‘nggi moliyaviy tafsilotlarni muhokama qilmoqda.

Xabarlarga ko‘ra, bitimning umumiy qiymati 22 mln yevro atrofida bo‘lishi mumkin. Muzokaralar hal qiluvchi bosqichga kirgan.

Poku "Bayer"ga 2025 yil yozida AZdan kelib qo‘shilgan. Leverkuzenliklar uning transferi uchun 10 mln yevro atrofida mablag‘ to‘lagan va futbolchi bilan 2030 yilgacha shartnoma imzolagan.

O‘tgan mavsumda tezligi bilan ajralib turadigan vinger barcha musobaqalarda 45 ta uchrashuvda 5 ta gol va 8 ta golli uzatma qayd etdi.