"Фиорентина" "Байер" вингери Эрнест Покуни қўлга киритиш учун музокараларни давом эттирмоқда.
Инсайдер Николо Скира маълумотига кўра, флоренцияликлар 22 ёшли нидерландиялик футболчи билан 2031 йилгача мўлжалланган шартнома шартларини келишиб олган. Энди клублар трансфер формуласи ва сўнгги молиявий тафсилотларни муҳокама қилмоқда.
Хабарларга кўра, битимнинг умумий қиймати 22 млн евро атрофида бўлиши мумкин. Музокаралар ҳал қилувчи босқичга кирган.
Поку "Байер"га 2025 йил ёзида АЗдан келиб қўшилган. Леверкузенликлар унинг трансфери учун 10 млн евро атрофида маблағ тўлаган ва футболчи билан 2030 йилгача шартнома имзолаган.
Ўтган мавсумда тезлиги билан ажралиб турадиган вингер барча мусобақаларда 45 та учрашувда 5 та гол ва 8 та голли узатма қайд этди.
