Germaniya Superkubogi uchun o‘tkazilgan final uchrashuvi yakunlandi. Dortmunddagi «Dortmund» stadionida kechgan bahsda «Bavariya» mahalliy «Borussiya»ni 2:1 hisobida mag‘lub etdi. Uchrashuvni Daniel Shlager boshqardi.
28-daqiqada «Bavariya» himoyachisi Nataniel Braun hisobni ochdi. Birinchi bo‘limga qo‘shib berilgan daqiqada Maykl Olise myunxenliklarning ustunligini oshirdi.
75-daqiqada «Borussiya» hujumchisi Fabiu Silva javob golini kiritib, hisobdagi farqni qisqartirdi. Biroq dortmundliklar qolgan vaqt davomida muvozanatni tiklay olmadi. 90-daqiqada «qora-sariqlar» himoyachisi Rami Bensebaini qizil kartochka olib, maydonni tark etdi.
«Bavariya» o‘tgan mavsumda 89 ochko to‘plab, Germaniya chempioni bo‘lgandi. Shuningdek, myunxenliklar mamlakat kubogini ham qo‘lga kiritgan. Dortmundning «Borussiya» klubi esa vise-chempion sifatida Superkubok bahsida ishtirok etdi.
2025-yilgi Germaniya Superkubogi ham «Bavariya»ga nasib etgandi. O‘shanda myunxenliklar «Shtutgart»ni 2:1 hisobida mag‘lub qilgan.
