Fransiya Liga 1 musobaqasining 1-turidan o‘rin olgan «Tuluza» — «Lion» uchrashuvi yakunlandi. Tuluza shahridagi «Tuluza» stadionida bo‘lib o‘tgan bahsda mehmonlar 2:0 hisobida g‘alaba qozondi. Uchrashuvni Giyom Paradi boshqardi.
Bahsdagi ilk gol 68-daqiqada kiritildi. «Lion» yarim himoyachisi Noa Narti jamoasini hisobda oldinga olib chiqdi. 85-daqiqada Malik Fofana mehmonlarning ustunligini oshirib, yakuniy hisobni o‘rnatdi — 2:0.
O‘tgan mavsum yakunlariga ko‘ra, «Lion» 34 ta uchrashuvda 60 ochko to‘plab, Fransiya chempionati turnir jadvalida to‘rtinchi o‘rinni egallagandi. «Tuluza» esa 45 ochko bilan to‘qqizinchi pog‘onadan joy olgan.
Keyingi turda «Tuluza» 29 avgust kuni safarda «Brest» bilan o‘ynaydi. «Lion» esa shu kuni o‘z maydonida «Gavr»ni qabul qiladi.
