«Barselona» yakshanba kuni kechqurun La Liga doirasida safarda «Elche»ga qarshi maydonga tushadi. Kataloniya klubi uchrashuv uchun qaydnomasini e’lon qildi va undan himoyachi Alexandro Balde joy olmadi.

Jurnalist Jerar Romeroning ijtimoiy tarmoqlarda ma’lum qilishicha, Balde jamoa bilan o‘yinga yo‘l olishga tayyor edi. Biroq bosh murabbiy Xans-Diter Flik bir kun avval futbolchiga uning uchrashuv qaydnomasiga kiritilmasligini ma’lum qilgan. Bu nemis mutaxassisining qarori bo‘lgan.

Avvalroq OAVda 22 yoshli Balde yozgi transfer oynasi yopilguniga qadar «Barselona»ni tark etishga qaror qilgani haqida xabarlar tarqalgandi.

Transfermarkt portali ispaniyalik himoyachining bozor qiymatini 50 million yevroga baholamoqda.

«Elche» — «Barselona» uchrashuvi Toshkent vaqti bilan 25 avgustga o‘tar kechasi soat 00:30 da boshlanadi.