«Барселона» якшанба куни кечқурун Ла Лига доирасида сафарда «Эльче»га қарши майдонга тушади. Каталония клуби учрашув учун қайдномасини эълон қилди ва ундан ҳимоячи Алехандро Бальде жой олмади.
Журналист Жерар Ромеронинг ижтимоий тармоқларда маълум қилишича, Бальде жамоа билан ўйинга йўл олишга тайёр эди. Бироқ бош мураббий Ханс-Дитер Флик бир кун аввал футболчига унинг учрашув қайдномасига киритилмаслигини маълум қилган. Бу немис мутахассисининг қарори бўлган.
Аввалроқ ОАВда 22 ёшли Бальде ёзги трансфер ойнаси ёпилгунига қадар «Барселона»ни тарк этишга қарор қилгани ҳақида хабарлар тарқалганди.
Transfermarkt портали испаниялик ҳимоячининг бозор қийматини 50 миллион еврога баҳоламоқда.
«Эльче» — «Барселона» учрашуви Тошкент вақти билан 25 августга ўтар кечаси соат 00:30 да бошланади.
