«Milan» «Manchester Siti» markaziy himoyachisi Ruben Diashni o‘z safiga qo‘shib olish imkoniyatini ko‘rib chiqmoqda. Portugaliyalik futbolchi «rossonerilar»ning himoya markazini kuchaytirish uchun nomzodlaridan biri hisoblanadi.

Manba ma’lumotiga ko‘ra, «Milan» hozircha 29 yoshli futbolchi uchun rasmiy taklif yubormagan. Shuningdek, klub Diashning o‘zi bilan ham shaxsiy shartnoma borasida kelishuvga erishmagan.

Portugaliyalik himoyachining «Manchester Siti» bilan amaldagi shartnomasi 2029 yilga qadar mo‘ljallangan. Shu sababli transferni amalga oshirish oson bo‘lmasligi kutilmoqda. Hozircha «Milan» tomonidan rasmiy taklif yuborilmagani ham qayd etilgan.

Diash o‘tgan mavsumda barcha musobaqalarda 33 ta uchrashuvda maydonga tushib, 2 ta gol urdi va 4 ta sariq kartochka oldi.

Transfermarkt portali futbolchining bozor qiymatini 55 million yevroga baholamoqda.