«Милан» «Манчестер Сити» марказий ҳимоячиси Рубен Диашни ўз сафига қўшиб олиш имкониятини кўриб чиқмоқда. Португалиялик футболчи «россонерилар»нинг ҳимоя марказини кучайтириш учун номзодларидан бири ҳисобланади.

Манба маълумотига кўра, «Милан» ҳозирча 29 ёшли футболчи учун расмий таклиф юбормаган. Шунингдек, клуб Диашнинг ўзи билан ҳам шахсий шартнома борасида келишувга эришмаган.

Португалиялик ҳимоячининг «Манчестер Сити» билан амалдаги шартномаси 2029 йилга қадар мўлжалланган. Шу сабабли трансферни амалга ошириш осон бўлмаслиги кутилмоқда. Ҳозирча «Милан» томонидан расмий таклиф юборилмагани ҳам қайд этилган.

Диаш ўтган мавсумда барча мусобақаларда 33 та учрашувда майдонга тушиб, 2 та гол урди ва 4 та сариқ карточка олди.

Transfermarkt портали футболчининг бозор қийматини 55 миллион еврога баҳоламоқда.