«Liverpul» Senegal terma jamoasi va «Kristal Pelas» vingeri Ismoila Sarrga qiziqish bildirmoqda. Mersisaydliklar 28 yoshli futbolchi uchun «Galatasaroy» bilan raqobatlashishi mumkin. Turkiya klubi bosh murabbiyi Sarrni o‘z jamoasida ko‘rishni juda istamoqda. Bu haqda jurnalist Nevzat Dindar X ijtimoiy tarmog‘idagi sahifasida xabar berdi.
Manba ma’lumotiga ko‘ra, «Kristal Pelas» futbolchini sotishni istamayapti, ammo Sarrning o‘zi «burgutlar» safini tark etish niyatida.
Sarr JCH-2026da Senegal terma jamoasining eng yaxshi to‘purari bo‘ldi. Hujumchi musobaqada 4 ta uchrashuv o‘tkazib, 4 ta gol urdi.
O‘tgan mavsumda Sarr «Kristal Pelas» safida barcha musobaqalarda 45 ta o‘yinda ishtirok etib, 21 ta gol urdi va 2 ta golli uzatmani amalga oshirdi.
Futbolchining «Kristal Pelas» bilan amaldagi shartnomasi 2029 yil yoziga qadar mo‘ljallangan. Transfermarkt portali ma’lumotiga ko‘ra, Sarrning bozor qiymati 45 million yevroni tashkil etadi.
