"Barselona" yarim himoyachisi Gavi La Liganing 2-turidan o‘rin olgan "Elche"ga qarshi uchrashuvda jarohat oldi.

Mundo Deportivo xabariga ko‘ra, 44-daqiqada ispaniyalik futbolchi o‘ng oyog‘ida noqulaylik his qilib, maydonga yiqildi. Shundan so‘ng unga tibbiy yordam ko‘rsatish uchun "Barselona" shifokorlari maydonga chiqdi.

Tibbiy ko‘rikdan keyin Gavi uchrashuvni davom ettira olmadi. 45-daqiqada uning o‘rniga Pedri maydonga tushdi.

Gavining jarohatlar bilan bog‘liq tarixi "Barselona" uchun alohida xavotir uyg‘otadi. U avval ham tizzasidan jiddiy jarohat olgan va keyinchalik o‘ng tizzasida jarrohlik amaliyotini boshdan kechirgan.

Futbolchining navbatdagi jarohati qay darajada jiddiy ekani tibbiy tekshiruvlardan so‘ng ma’lum bo‘lishi kutilmoqda.