"Барселона" ярим ҳимоячиси Гави Ла Лиганинг 2-туридан ўрин олган "Эльче"га қарши учрашувда жароҳат олди.
Mundo Deportivo хабарига кўра, 44-дақиқада испаниялик футболчи ўнг оёғида ноқулайлик ҳис қилиб, майдонга йиқилди. Шундан сўнг унга тиббий ёрдам кўрсатиш учун "Барселона" шифокорлари майдонга чиқди.
Тиббий кўрикдан кейин Гави учрашувни давом эттира олмади. 45-дақиқада унинг ўрнига Педри майдонга тушди.
Гавининг жароҳатлар билан боғлиқ тарихи "Барселона" учун алоҳида хавотир уйғотади. У аввал ҳам тиззасидан жиддий жароҳат олган ва кейинчалик ўнг тиззасида жарроҳлик амалиётини бошдан кечирган.
Футболчининг навбатдаги жароҳати қай даражада жиддий экани тиббий текширувлардан сўнг маълум бўлиши кутилмоқда.
