Avval xabar berganimizdek, Bergamoning "Atalanta" klubi "Napoli" hujumchisi Noa Lang transferi ustida ishlamoqda, ammo hozircha klublar transfer qanday shaklda amalga oshirilishi borasida bir to‘xtamga kela olmadi.
Gap shundaki, bergamoliklar futbolchini ijaraga olishni istamoqda, neapolliklar esa otasi Surinamdan bo‘lgan futbolchini sotib olishni taklif qilmoqda. Yaqin vaqt ichida tomonlar umumiy til topa oladimi-yo‘qmi, ma’lum bo‘ladi, deya xabar bermoqda calcioatalanta.it.
Eslatib o‘tamiz, Italiya chempionatining yangi mavsumi shu dam olish kunlarida boshlandi. Italiyaning amaldagi chempioni Milanning "Inter" klubi hisoblanadi.
