«Inter» va Italiya terma jamoasining sobiq hujumchisi Alessandro Altobelli yangi mavsumda Skudetto uchun kurash haqida o‘z fikrini bildirdi. Uning nazarida, «Inter» A Seriya chempionligi uchun asosiy favorit hisoblanadi.

«Qog‘ozda «Inter» eng muvozanatli jamoa bo‘lib ko‘rinmoqda, ammo «Yuventus» va «Milan»dan ehtiyot bo‘lish kerak. Allegri boshchiligidagi «Napoli»ni ham e’tibordan chetda qoldirmaslik lozim. Gasperini Rimda o‘zi istagan transfer kampaniyasini o‘tkazish imkoniyatiga ega bo‘ldi, ammo menimcha, uning asosiy maqsadi kuchli to‘rtlikdan joy olish bo‘ladi», — dedi Altobelli.

Shu tariqa, Altobelli chempionlik uchun asosiy da’vogarlar qatoriga «Inter», «Yuventus», «Milan» va «Napoli»ni kiritdi.

Qayd etish joiz, Altobelli tilga olgan jamoalar orasida «Inter», «Napoli» va «Milan» so‘nggi besh mavsumda Italiya chempionligini qo‘lga kiritgan: «Inter» va «Napoli» ikki martadan, «Milan» esa bir marta Skudetto sohibi bo‘lgan.