«Интер» ва Италия терма жамоасининг собиқ ҳужумчиси Алессандро Альтобелли янги мавсумда Скудетто учун кураш ҳақида ўз фикрини билдирди. Унинг назарида, «Интер» А Серия чемпионлиги учун асосий фаворит ҳисобланади.

«Қоғозда «Интер» энг мувозанатли жамоа бўлиб кўринмоқда, аммо «Ювентус» ва «Милан»дан эҳтиёт бўлиш керак. Аллегри бошчилигидаги «Наполи»ни ҳам эътибордан четда қолдирмаслик лозим. Гасперини Римда ўзи истаган трансфер кампаниясини ўтказиш имкониятига эга бўлди, аммо менимча, унинг асосий мақсади кучли тўртликдан жой олиш бўлади», — деди Альтобелли.

Шу тариқа, Альтобелли чемпионлик учун асосий даъвогарлар қаторига «Интер», «Ювентус», «Милан» ва «Наполи»ни киритди.

Қайд этиш жоиз, Альтобелли тилга олган жамоалар орасида «Интер», «Наполи» ва «Милан» сўнгги беш мавсумда Италия чемпионлигини қўлга киритган: «Интер» ва «Наполи» икки мартадан, «Милан» эса бир марта Скудетто соҳиби бўлган.