"Manchester Siti" yarim himoyachisi Rayan Sherki Angliya Premyer-ligasining 1-turida "Bornmut"ga qarshi bahsda zaxiradan maydonga tushib, ikkita golli uzatma berdi.
Fransiyalik futbolchi jamoasi 0:1 hisobida ortda borayotgan bir paytda ikkinchi bo‘limda maydonga tushdi va uchrashuv taqdirini o‘zgartirib yubordi. 84-daqiqada uning uzatmasidan so‘ng Mark Gexi hisobni tenglashtirdi. Kompensasiya vaqtida esa Yoshko Gvardiol Sherkining yana bir uzatmasini golga aylantirib, "shaharliklar"ga 2:1 hisobidagi irodali g‘alabani taqdim etdi.
Shu tariqa, Sherki o‘tgan mavsum boshidan buyon APLda ochiq o‘yindan 12 ta golli uzatma amalga oshirdi. Bu mazkur davrda liganing boshqa barcha futbolchilaridan yaxshiroq natija hisoblanadi.
