"Манчестер Сити" ярим ҳимоячиси Райан Шерки Англия Премьер-лигасининг 1-турида "Борнмут"га қарши баҳсда захирадан майдонга тушиб, иккита голли узатма берди.
Франциялик футболчи жамоаси 0:1 ҳисобида ортда бораётган бир пайтда иккинчи бўлимда майдонга тушди ва учрашув тақдирини ўзгартириб юборди. 84-дақиқада унинг узатмасидан сўнг Марк Гехи ҳисобни тенглаштирди. Компенсация вақтида эса Йошко Гвардиол Шеркининг яна бир узатмасини голга айлантириб, "шаҳарликлар"га 2:1 ҳисобидаги иродали ғалабани тақдим этди.
Шу тариқа, Шерки ўтган мавсум бошидан буён АПЛда очиқ ўйиндан 12 та голли узатма амалга оширди. Бу мазкур даврда лиганинг бошқа барча футболчиларидан яхшироқ натижа ҳисобланади.
