Braziliya chempionatining 24-turida «Santos» o‘z maydonida «Mirassol» bilan 1:1 hisobida durang o‘ynadi.

«Santos» yulduzi Neymar mazkur uchrashuvda natijali harakati bilan ajralib turdi. U ikkinchi bo‘limda Alvaro Barrealning javob goliga assist qayd etdi.

Shunga qaramay, Neymarning golsiz seriyasi davom etmoqda. 34 yoshli futbolchi ketma-ket oltita uchrashuvda raqiblar darvozasini ishg‘ol qila olmadi.

Braziliyalik yulduz joriy mavsumda «Santos»ning asosiy hujumkor futbolchilaridan biri bo‘lib qolmoqda. U «Mirassol»ga qarshi bahsda ham jamoasining hujumlarini tashkil etishda faol qatnashdi va bir qator xavfli vaziyatlar yaratdi.

Neymarning «Santos» bilan amaldagi shartnomasi 2026 yil oxirigacha mo‘ljallangan.