Бразилия чемпионатининг 24-турида «Сантос» ўз майдонида «Мирассол» билан 1:1 ҳисобида дуранг ўйнади.
«Сантос» юлдузи Неймар мазкур учрашувда натижали ҳаракати билан ажралиб турди. У иккинчи бўлимда Альваро Барреалнинг жавоб голига ассист қайд этди.
Шунга қарамай, Неймарнинг голсиз серияси давом этмоқда. 34 ёшли футболчи кетма-кет олтита учрашувда рақиблар дарвозасини ишғол қила олмади.
Бразилиялик юлдуз жорий мавсумда «Сантос»нинг асосий ҳужумкор футболчиларидан бири бўлиб қолмоқда. У «Мирассол»га қарши баҳсда ҳам жамоасининг ҳужумларини ташкил этишда фаол қатнашди ва бир қатор хавфли вазиятлар яратди.
Неймарнинг «Сантос» билан амалдаги шартномаси 2026 йил охиригача мўлжалланган.
