«Manchester Yunayted»ning sobiq himoyachisi Gari Nevill Premyer-liganing 1-turida «Liverpul» ko‘rsatgan o‘yinga baho berdi. Eslatib o‘tamiz, «qizillar» «Nyukasl»ga qarshi kechgan bahsda (2:2) qo‘shib berilgan daqiqalarda penalti evaziga mag‘lubiyatdan qutulib qolgandi.

«Aytish mumkinki, «Liverpul» bu o‘yinda bir ochkoga loyiq emas edi deb bo‘lmaydi, chunki ular ko‘plab vaziyatlar yaratishdi. O‘yin so‘ngidagi natijadan ular mamnun bo‘lishar, lekin yuqori sovrinlar uchun kurashayotgan jamoalar bilan solishtirsak, «Biz hali ko‘p ishlashimiz kerak», degan fikrga borishlari aniq. Menimcha, ular hozircha chempionlik uchun kurasha oladigan darajaga yaqin ham emas», — dedi Nevill Sky Sports nashridagi podkastida.

Shuningdek, u jamoaning taktik balansi va yangi futbolchilari haqida ham to‘xtalib o‘tdi:

«Agar siz ikki qanot himoyachisi bilan oldinga o‘tib o‘ynamoqchi bo‘lsangiz, sizda ikkita muhtasham markaziy himoyachi va raqib qarshi hujumlarini to‘xtatib qola oladigan ikki nafar kuchli tayanch yarim himoyachisi bo‘lishi kerak. Buning o‘rnini to‘ldirish shart. «Liverpul» yarim himoyachilari o‘z vazifalarini yetarlicha bajara olmayapti, ko‘pincha hujumga o‘tib ketib, markazni bo‘sh qoldirishmoqda. O‘ylaymanki, bu jamoaning balansi bilan bog‘liq haqiqiy muammo.

«Liverpul» uchun yana bir muhim jihat — intizorlik bilan kutilayotgan Isak va Virts masalasi. Ularga endi natija ko‘rsatishni boshlash va o‘z o‘yinini yaxshilash vaqti keldi. Biz ularga nisbatan ancha yumshoq munosabatda bo‘ldik, ammo endi inkor etib bo‘lmaydigan haqiqatni ko‘rsatish vaqti keldi», — deya qo‘shimcha qildi ekspert.