Myunxenning «Bavariya» klubi hujumchisi Brayan Saragosa faoliyatini Ispaniyada davom ettirishi mumkin. Kataloniyaning «Espanyol» klubi futbolchini ijaraga olish bo‘yicha muzokaralarda sezilarli muvaffaqiyatga erishdi.
Ma’lumotlarga ko‘ra, bitim shartlariga ko‘ra Saragosa kelajakda sotib olish huquqi bilan «Espanyol»ga o‘tadi. Futbolchining o‘zi ham katalonliklar safiga ko‘chib o‘tishga rozilik bildirgan.
Eslatib o‘tamiz, Saragosa 2024 yilning yozida «Granada»dan Myunxen klubiga ko‘chib o‘tgan edi. Biroq u asosiy tarkibdan muqim o‘rin egallay olmay, o‘tgan mavsumning birinchi qismini «Selta»da, ikkinchi yarmini esa «Roma» safida ijara asosida o‘tkazgan edi.
