"Atalanta" "Bolonya"ning 23 yoshli angliyalik vingeri Jonatan Rouni transfer qilish uchun rasmiy taklif bilan chiqdi. Bergamoliklar futbolchi uchun 35 million yevro va qo‘shimcha bonuslar to‘lashga tayyor. Bu haqda jurnalist Janluka Di Marsio sayti xabar berdi.

"Bolonya" hozircha jamoaning asosiy futbolchilaridan birini sotish niyatida emas. Klub Rou uchun ancha yuqori miqdordagi taklif kelib tushgan va unga munosib o‘rinbosar topilgan taqdirdagina transfer masalasini ko‘rib chiqishga tayyor.

O‘tgan mavsumda Rou klub miqyosida 44 ta uchrashuvda maydonga tushib, 8 ta gol urdi va 5 ta golli uzatmani amalga oshirdi.

Manba, shuningdek, "Atalanta" avvalroq "Napoli" hujumchisi Noa Langga ham qiziqish bildirganini qayd etdi.