"Аталанта" "Болонья"нинг 23 ёшли англиялик вингери Жонатан Роуни трансфер қилиш учун расмий таклиф билан чиқди. Бергамоликлар футболчи учун 35 миллион евро ва қўшимча бонуслар тўлашга тайёр. Бу ҳақда журналист Жанлука Ди Марцио сайти хабар берди.
"Болонья" ҳозирча жамоанинг асосий футболчиларидан бирини сотиш ниятида эмас. Клуб Роу учун анча юқори миқдордаги таклиф келиб тушган ва унга муносиб ўринбосар топилган тақдирдагина трансфер масаласини кўриб чиқишга тайёр.
Ўтган мавсумда Роу клуб миқёсида 44 та учрашувда майдонга тушиб, 8 та гол урди ва 5 та голли узатмани амалга оширди.
Манба, шунингдек, "Аталанта" аввалроқ "Наполи" ҳужумчиси Ноа Лангга ҳам қизиқиш билдирганини қайд этди.
