O‘zbekiston Superligasining 19-turida "Paxtakor" Samarqandda "Dinamo" mehmoni bo‘ladi.

Jamoalar O‘zbekiston chempionatlari tarixida shu kunga qadar 55 marta o‘zaro to‘qnash kelishgan. Ushbu uchrashuvlarning 41 tasida "Paxtakor" g‘alaba qozongan, 7 ta bahs durang bilan yakunlangan va yana 7 ta o‘yinda "Dinamo"ning qo‘li baland kelgan.

"Sherlar" o‘zaro uchrashuvlarda raqib darvozasiga 113 ta gol urgan va o‘z darvozasidan 33 ta to‘p o‘tkazib yuborgan. "Paxtakor"ning "Dinamo" ustidan qozongan eng yirik g‘alabasi 6:0 hisobida qayd etilgan.

Samarqandda o‘tkazilgan o‘zaro bahslarda ham "Paxtakor" ustunlikka ega. "Sherlar" bu yerda 16 marta g‘alaba qozongan, 7 ta uchrashuvda durang o‘ynagan va 4 marta mag‘lubiyatga uchragan.

Bo‘lajak uchrashuvda "Paxtakor"ga Zaid Tahsin yordam bera olmaydi. Futbolchi diskvalifikasiya sababli bahsni o‘tkazib yuboradi.

"Dinamo" va "Paxtakor" o‘rtasidagi uchrashuv 25 avgust kuni Samarqanddagi "Dinamo" stadionida bo‘lib o‘tadi. Bahs soat 20:00 da boshlanadi.