«Manchester Yunayted» Alexandro Baldeni hoziroq to‘liq transfer qilishni rejalashtirmayapti.

ESPN ma’lumotiga ko‘ra, mankunianliklar himoyachini bir mavsumga ijaraga olib, kelishuvga keyinchalik uni sotib olish huquqini kiritishni ma’qul ko‘rmoqda. «Barselona» esa o‘z tarbiyalanuvchisini 30–40 million yevroga baholamoqda.

«Barselona» bosh murabbiyi Xans-Diter Flik Baldening kelajagi bo‘yicha yakuniy qaror qabul qilishdan avval futbolchi bilan yuzma-yuz suhbat o‘tkazmoqchi. Alexandro esa joriy mavsumda qancha o‘yin amaliyotiga ega bo‘lishi borasida aniq kafolat olishni istamoqda.

O‘tgan Ispaniya chempionatida himoyachi 28 ta o‘yinda maydonga tushib, 2 ta golli uzatmani amalga oshirgan.