«Манчестер Юнайтед» Алехандро Бальдени ҳозироқ тўлиқ трансфер қилишни режалаштирмаяпти.

ESPN маълумотига кўра, манкунианликлар ҳимоячини бир мавсумга ижарага олиб, келишувга кейинчалик уни сотиб олиш ҳуқуқини киритишни маъқул кўрмоқда. «Барселона» эса ўз тарбияланувчисини 30–40 миллион еврога баҳоламоқда.

«Барселона» бош мураббийи Ханс-Дитер Флик Бальденинг келажаги бўйича якуний қарор қабул қилишдан аввал футболчи билан юзма-юз суҳбат ўтказмоқчи. Алехандро эса жорий мавсумда қанча ўйин амалиётига эга бўлиши борасида аниқ кафолат олишни истамоқда.

Ўтган Испания чемпионатида ҳимоячи 28 та ўйинда майдонга тушиб, 2 та голли узатмани амалга оширган.