Angliya terma jamoasining sobiq futbolchisi Gari Nevill «Chelsi» hujumkor yarim himoyachisi Koul Palmerning o‘yini haqida fikr bildirdi.
24 yoshli futbolchi Angliya Premyer-ligasining 1-turida «Fulxem»ga qarshi bahsda jamoasining g‘alabasiga munosib hissa qo‘shdi. Palmer bir gol urdi va bir golli uzatmani amalga oshirdi.
«Ehtimol, Jahon chempionati-2026 uchun terma jamoa tarkibiga kirmagani Palmer bilan sodir bo‘lishi mumkin bo‘lgan eng yaxshi voqeadir. Balki faoliyati pasayishga yuz tutgan paytda bu unga yaxshi turtki bergandir.
Hayotda har kuni ishtiyoqni saqlab qolish kerakligini o‘zingga eslatib turish muhim. Futbolchi faoliyatida forma yo‘qoladigan va hamma narsa avvalgidek oson bo‘lmay qoladigan davrlar bo‘ladi. Bu safar esa biz yana avvalgi Palmerni ko‘rdik. Bu aqlbovar qilmas edi», — dedi Nevill Sky Sports efirida.
O‘tgan mavsumda Palmer APL doirasida 26 ta uchrashuvda maydonga tushib, 10 ta gol va 1 ta golli uzatma qayd etgan.
