"Manchester Siti" bosh murabbiyi Enso Mareska himoyachi Mark Gexini "Bornmut"ga qarshi APL bahsida markaziy yarim himoyachi sifatida maydonga tushirgani haqida gapirdi.

Rodri va Tijjani Reynders jamoani tark etgach, murabbiy Gexini maydon markazida Elliot Anderson bilan birga o‘ynatishga qaror qildi. "Siti" 2:1 hisobida g‘alaba qozongan uchrashuvda Gexining goli jamoaning kambekini boshlab berdi.

"Hozirgi vaziyatda yechim topish juda muhim. Turli variantlarni ko‘ra bilish kerak. Men Markni "Kristal Pelas"dagi davridan bilaman. Doim uni yaxshi yarim himoyachi bo‘la oladi, deb o‘ylaganman.

Ba’zida xayolingga biror g‘oya keladi va uni amalda sinab ko‘rishing kerak. Umuman olganda, Mark yaxshi o‘ynadi. Endi bizda kelajak uchun yana bir variant bor", — dedi Mareska Sky Sports'ga.

Gexining o‘zi ham yangi pozisiyada o‘ynaganidan hayron qolganini tan oldi.

"Men hayron qoldim! Bu g‘oya murabbiyning xayoliga keldi va biz bir hafta davomida shuning ustida ishladik. U jamoada turli variantlarni sinab ko‘rmoqda. Bugun bu o‘zini oqlaganidan xursandman.

Elliot bilan yonma-yon o‘ynaganim menga katta yordam berdi. Shuningdek, bu pozisiyada o‘ynash tajribasiga ega futbolchilar butun uchrashuv davomida menga maslahat berib turishdi", — dedi Gexi.