Angliyaning «Everton» klubiga tegishli bo‘lgan 28 yoshli afrikalik hujumchi Betu yozgi transfer oynasi yopilguniga qadar jamoasini o‘zgartirishi mumkin. Bu haqda insayder Nikolo Skira ijtimoiy tarmoqlarda xabar berdi.
Jurnalistning ma’lum qilishicha, tajribali forvard faoliyatini Italiya A Seriyasida davom ettirish imkoniyatiga ega. Betuni «Fiorentina» o‘z safiga qo‘shib olishni rejalashtirmoqda.
Avvalroq futbolchining xizmatlari Turinning «Yuventus» klubiga ham taklif qilingani haqida xabarlar tarqalgan edi.
Betu o‘tgan mavsumda barcha musobaqalar doirasida 40 ta uchrashuvda maydonga tushdi. Hujumchi ushbu bahslarda 10 ta gol urdi va bitta golli uzatmani amalga oshirdi.
