«Liverpul»ning niderlandiyalik vingeri Kodi Gakpoga «Manchester Siti» va Londonning «Tottenxem» klublari jiddiy qiziqish bildirmoqda. Bu haqda insayder Ekrem Konur ijtimoiy tarmoqlarda xabar berdi.
«Shporlar» futbolchi uchun 70 million yevro taklif qildi, biroq mersisaydliklardan rad javobini oldi. «Qizillar» niderlandiyalik futbolchining sotuvidan 85 million yevro ishlab olishni maqsad qilgan. O‘z navbatida, «Manchester Siti» ham Gakponing agenti bilan muzokaralarga kirishdi.
27 yoshli vinger 2023 yilning yanvaridan beri Liverpul jamoasida to‘p surib kelmoqda. Kodining klub bilan tuzgan mehnat shartnomasi 2030 yil iyunining oxirigacha mo‘ljallangan. Transfermarkt portali uning qiymatini 60 million yevroga baholamoqda.
