«Ливерпуль»нинг нидерландиялик вингери Коди Гакпога «Манчестер Сити» ва Лондоннинг «Тоттенхэм» клублари жиддий қизиқиш билдирмоқда. Бу ҳақда инсайдер Экрем Конур ижтимоий тармоқларда хабар берди.

«Шпорлар» футболчи учун 70 миллион евро таклиф қилди, бироқ мерсисайдликлардан рад жавобини олди. «Қизиллар» нидерландиялик футболчининг сотувидан 85 миллион евро ишлаб олишни мақсад қилган. Ўз навбатида, «Манчестер Сити» ҳам Гакпонинг агенти билан музокараларга киришди.

27 ёшли вингер 2023 йилнинг январидан бери «Ливерпуль» жамоасида тўп суриб келмоқда. Кодининг клуб билан тузган меҳнат шартномаси 2030 йил июнининг охиригача мўлжалланган. Transfermarkt портали унинг қийматини 60 миллион еврога баҳоламоқда.